狼的本能

問:
我於dating交友中認識左個女仔,佢係教書的,己經同佢去過幾次睇戲食飯.

頭2次都傾得愉快.但近排出黎都無咩好傾.要講的之前2次已經講哂.請大大分析3個事例:

1,上次同佢睇戲,2個位中間條柄原本係攞起左,佢一坐低就放番低.搭佢膊頭,亦會縮開.
2,到走個陣佢比番食飯錢我,但我冇收.
3, 從來只有我搵佢,佢唔會只動打比我. msn睇到我online都唔會hi我.

其實佢係咪已經想疏遠我或只當我普通食飯朋友.我係想同佢發展,但可再做d咩表示??

答:
好笑，分咩析呀？呢啲係係人都睇得出嘅嘢囉：

1) 佢對你冇 feel、亦冇特別意思
2) 佢想同你保持距離
3) 佢冇動力主動搵你

聽到有網友講：「同人地出過幾次街就搭人膊頭 , 係人都怕左你bor!」
但完全唔係囉，有經驗嘅人通常都會同你講：高手絕對可以第一次約會就攬到女仔（外國嘅高手標準可能更高，要上到床先算，不過文化環境不同冇得類比啦），問心嗰句邊個男仔會唔想？
而且我覺得真係好容易，唔使高手都做到。依家講緊嘅係一男一女孤獨相處喎！只要你係真正嘅男人，除非你天生殘缺或者好樣衰或者嗰次約會表現得好差，根本無可能令對方完全無天然嘅化學反應囉
我所講嘅「表現」唔係你哋傾得「愉快」與否，係傾唔傾到火花出黎

正常朋友傾偈係唔會有火花架，如果你講啲嘢完全停留喺表面嘅話
火花係需要有自然感性嘅表達，係男女之間微妙嘅語言先擦得出，呢套語言根本係天生，唔使學
但依家咁多人唔識，係因為教科書教你做個好男人，唔好輕佻浮躁，你先爛係表現得所謂好好人咁，以為咁就會有人賞識
你自己諗下我講中幾多成啦

總之，個問題係你地之間有冇化學反應，化學反應決定一切
只要有化學反應，佢點克制都會想畀你攬攬惜惜
攬攬惜惜喺現代社會咁平常，已經無咩禮教束縛，有嘅只係想同唔想
當彼此之間真係有 feel，雙方都一定會有打破彼此界限嘅渴望
呢種渴望會體現喺身體上嘅交流，肢體動作係唔少得
出左四次都連搭膊頭都冇？證明佢完全冇 feel，幾乎可以蓋棺論定囉


重有，拜託，諗感情問題，唔好問佢想點，呢個係你嘅戀愛，你嘅人生，你更加應該要問嘅，係你自己想點！

「我係想同佢發展」－－唔該唔好講啲咁「官腔」嘅用語（識中文嘅都知呢啲畸句其實根本唔係中文），重點只不過係你對佢有冇 feel。
如果冇 feel，「發展」黎做乜？搵個個你有 feel 嘅罷啦
如果有 feel，你應該識得自然咁表達，再睇佢反應

我唔係叫你用中國語同佢講「我對你很有感覺啊」，呢啲係人類語言，唔係大自然語言
你要用你內在嗰套大自然語言去向佢表達，佢先有可能有反應

未有 vocal language 之前，係人都識嗰套語言，自然咁表達，善用你嘅肢體，更重要嘅係記住自己係個男人，發掘返自己啲天賦出黎
唔係叫你一開始就攬攬惜惜，而係要適度、自然咁用嗰套語言去令雙方都有由心底深入交流嘅感覺

如果你已經遺失左呢啲天賦，咁你真係要模仿下啲有魅力嘅男士，學習下點做返個男人先