辛苦了一年，得個吉

一年一度既「亞披 so」 又來啦
繼上年比人問我，到底有無心係呢行發展之後
今年又一力作誕生

(1)
唔知係私人原因定係咩事
我發覺你呢一年都好心散
就好似我頭先叫你搵返個 sample 比我，你竟然話唔知放左係邊

大佬，咩叫心散先? 我唔覺得自己心散 lor
起碼人人係公司上網、玩 facebook、炒股票果陣，我係做緊野架

同埋我一返到公司就做野做到收工
我無好似 d 人咁，8 點返到公司，食早餐食到 9 點，再上網上到 10 點先開工做野 lor

同埋，個 sample 唔係我 keep 架，我緊係唔知放係邊啦

(2)
我發覺你既溝通能力好有問題
杏加玲都成日投訴你﹗
你好似唔識同人溝通 wo

老老七七，你有無聽到其他同事投訴我先?
反而其他同事都有投訴杏加玲 wo
到底個問題係我度? 定係第二個人度丫?

(3)
創造力呢一 part，我會比你好低分
創造力，即係 creative，即係有無創意
雖然，早排你自己出錢，都走左去讀個 photoshop 既課程，係好有創意
但係，係聖誕佈置比賽入面，你無幫個手
所以，我只可以比你好低分

首先，我有幫手的
有日你臨走之前叫我搞，我真係搞左半日無停過手
點知第二日你返度來，竟然話唔覺我有搞過
重問我成日搞過 D 咩
係咁既情況下，你估我重會唔會再同你搞

同埋，大家都知，果排勁多野做
你自己咩都唔做，3 個星期入面，日日 whole day 搞佈置
但係，係果 3 個星期入面，我日日都 OT
就算我上左大陸，成 6 點半先返到 HK，我都第一時間飛返公司做野
到底搵錢緊要? 定係個十九聖誕佈置比賽緊要丫?


最後份「亞披 so」既總分
比上年...高左 1 分
多謝﹗