好唔捨得你

自從丁生單野之後，我地都好少見面了

因為我知道有你係度，丁生都會係度

為左見唔到丁生，我選擇連你都唔見


當我自己連丁生單野都唔記得既時候，當我以為我地重有大把時間既時候

估唔到你突然吹起完場既哨子



對上一次見你，已經係上年肥高結婚既時候

估唔到，亦都係最後一次見到你



琴日收到野狼個電話，聽完之後真係成個人吊左

不停咁問自己，點解你咁早就要離開我地



重記得岩岩幫占哥手果陣

我地係 HY 既一點一滴

無論吵野又好

定係凌晨四點係太子集合，再一齊返大陸拎辦，再飛車去機場又好

一切一切，就好似琴日發生既事一樣



又記得我地去到倫敦大酒樓

你叫 d 好野比我又好，或者叫碟豬扒比我又好

唉...打到呢度，再聽住我地係倫敦大酒樓都必唱既歌

真係無咩心機再打落去...



如果，人死如燈滅，生命只係一個短暫的夢

如果，人死後會去到另一個世界，我地總會再聚

如果，人死後有輪迴，下一世，請容許我再繼續叫你做大佬吧


一路好走﹗