慘過大病

估唔到我一過年就有血光之災。

我左下角隻智慧齒生得唔好 (即係圖中右下角果隻)，頂住前面隻大牙，久唔久就搞到 d 牙肉腫晒。

上星期做 annual check，牙醫話隻大牙蛀左少少，一定要剝左隻智慧齒。

點知剝牙果陣，個牙醫話隻牙好實，拔唔到出來，最後要用到一字頭螺絲批鑿碎我隻牙。

個牙醫最後重同我講，有部份牙腳真係搞唔掂，所以留返係牙肉入面，唔發炎就無事。

剝左之後，我就痛足兩個星期，日日都食粥，早兩晚重痛到醒左。

今日先開始無咁痛，開始唔食止痛藥都得。諗返起上星期真係心都寒埋.....

我重有 3 隻智慧齒未剝，希望佢地生生性性啦...